રમતગમતને પ્રોત્સાહન આપવા માટે શ્રેષ્ઠ રાજ્યનો પુરસ્કાર મેળવતી વખતે શ્રીમતી આનંદીબેને રાજ્યના રમતગમત વિભાગ અને વિવિધ ખેલાડીઓને અભિનંદન પાઠવ્યા હતા.
તાજેતરમાં નવી દિલ્હી ખાતે આયોજીત એક પુરસ્કાર સમારોહમાં ફિક્કી દ્વારા ઇન્ડિયા સ્પોર્ટ્સ એવોર્ડ - ૨૦૧૫ અંતર્ગત ગુજરાતને રમતગમતને પ્રોત્સાહન આપતા શ્રેષ્ઠ રાજ્ય માટેનો પુરસ્કાર આપવામાં આવેલ.
આ પુરસ્કાર એનાયત કરવા માટે, નિર્ણાયકોની સમિતિએ અનેક બાબતો ધ્યાનમાં રાખેલ જેવીકે રાષ્ટ્રીય કક્ષાની રમતોમાં એક વર્ષમાં ૧૦ ચંદ્રકો જીતવાની સિદ્ધિ, અને રમતગમત સંબંધિત પ્રવૃત્તિઓના પ્રસાર માટે અનુકૂળ વાતાવરણ તૈયાર કરવું તથા રમતગમત માટેની માળખાકીય સુવિધાઓની ગુણવત્તા.
ગુજરાતની શ્રેષ્ઠ રાજ્ય તરીકે પસંદગી થવાનું કારણ ખેલ મહાકુંભ જેવા રમતગમતના વિશાળ પ્રયોજનો, સ્પોર્ટ્સ સ્કૂલોની સ્થાપના, રમતગમતમાં પ્રતિભા ધરાવનારને પુરસ્કૃત કરવા તેમજ રમતગમતમાં મહિલાઓની સહભાગિતાને પ્રોત્સાહન માટે પુરસ્કારો છે.
આ પુરસ્કાર માટે હરિયાણા, કેરાલા અને મણીપુર જેવાં દેશનાં અન્ય રાજ્યો પણ નામાંકિત થયેલ. મા. મુખ્યમંત્રીએ આ પુરસ્કાર રાજ્યના ખેલાડીઓની પ્રતિભાને સમર્પિત કરેલ અને તેમનું સન્માન કરેલ.
કુલ ૨૦,૦૧૭ ખેલાડીઓ દ્વારા ચેસની સ્પર્ધામાં ભાગ લઇને ગિનિસ બુક ઓફ વર્લ્ડ રેકોર્ડમાં સ્થાન પ્રાપ્ત કર્યું
સુ. શ્રી ધારી પંચમદા દ્વારા ૯૯ કલાક, ૯૯ મિનિટ, ૯૯ સેકન્ડ દરમ્યાન શાસ્ત્રીય સંગીત ગાન કરી સતત ગાવાનો વિશ્વ વિક્રમ બનાવી ગિનિસ બુક ઓફ વર્લડ રેકોર્ડમાં સ્થાન પ્રાપ્ત કરી ગુજરાતનું ગૌરવ વધાર્યુંછે.
ગુજરાતના ૪,૦૦૦ કલાકારોની રપ દિવસની તાલીમ અને મહેનત દ્વારા સર્જાયેલ ભવ્ય અને ચિર સ્મરણિય પરિણામ એટલે વંદે ગુજરાત જેણે ગિનિસ બુક ઓફ વર્લ્ડ રેકોર્ડમાં પણ સ્થાન પ્રાપ્ત કર્યું છે.
અભિલેખાગાર ખાતામાં પ્રીન્સલી સ્ટેટ સમયના અગત્યના દફતરો, પુસ્તકો સંગ્રહિત છે. જે ઘણા જુના અને મુલ્યવાન છે. આ રેકોર્ડની અગત્યતા અને ઉપયોગિતાને ધ્યાને લઇ ડીજીટાઇઝેશન ઓફ રેકોર્ડની યોજના અમલમાં મુકેલ છે. આ ખાતાની ગાંધીનગર, વડોદરા, રાજકોટ, ભાવનગર અને જુનાગઢ કચેરીઓના કુલ ૧૧૦૮૭૬૦ પેઇજનું સ્કેનીંગ કરવામાં આવેલ છે. આ કામગીરી પોરબંદર અને જામનગર ખાતે બાકીમાં છે..
સ્ત્રોત :રમતગમત, યુવા અને સાંસ્કૃતિક પ્રવૃતિઓ વિભાગ, ગુજરાત સરકાર
ફેરફાર કરાયાની છેલ્લી તારીખ : 6/21/2020